Македонските ракометари до 21 година ги добија противниците преку кои, на домашен терен, ќе се обидат да изборат пласман на Светското првенство во Алжир.
Квалификациските групи за пласман на младинскиот Мундијал беа извлечени во седиштето на ЕХФ во понеделникот. Македонија пласманот во Алжир ќе се обиде да го избори во конкуренција на Полска, Португалија и Турција.
Македонија ќе биде домаќин на квалификациската Група 3, а натпреварите ќе се играат од 6. до 8. јануари наредната година.
Пласман на Мунијалот во Алжир ќе изборат само победниците на квалификациските групи.
Група 1: Холандија, Русија, Италија, Летонија
Група 2: Данска, Шведска, Романија, Бугарија
Група 3: Полска, Португалија, Македонија, Турција
Група 4: Словенија, Словачка, Украина, Косово
Група 5: Исланд, Србија, Литванија, Грција
Група 6: Унгарија, Чешка, Австрија, Црна Гора
Група 7: Швајцарија, Израел, Фарски Острови, Финска.
