Нова рутинска победа забележаа ракометарите на Вардар во регионалната СЕХА лига. „Црвено-црните“, во средата, го совладаа Горење со 40-32.
Вардар од натпревар во натпревар ја крева формата, тоа го покажа и против дебитантот во СЕХА лигата, Горење, во чии редови настапуваат довчерашните Вардарци Алем Тоскиќ и Матијаж Брумен.
На полувреме македонскиот шампион имаше предност од 21:12, Горење во второто полувреме се доближи на негатива од шест гола, но Вардар рутински го заврши мечот.
Дибиров постигна седум гола, а пикерите Стоилов и Рожерио по пет, додека Горење го предводеше Брумен со шест гола.