Лионел Меси и Серхио Кун Агуеро ќе ги пропуштат натпреварите во квалификациите за пласман на Светското првенство во Русија, кои Аргентина ќе ги одигра против Уругвај и Венецуела.
Најдобриот аргентински фудбалер, Меси, во неделата на мечот во Билбао ја повредил тетивата, а Барселона објави дека постојат минимални шанси тој да биде со својата репрезентација.
За разлика од Меси, Агуеро сигурно нема да биде со репрезентативните колеги, откако и Аргентинската фудбалска федерација објави дека тој поради повреда ќе ги пропушти претстојните две средби на репрезентацијата.
Агуеро, на неделниот меч Манчестер Сити-Вест Хем (3-1) го повредил листот на ногата и неизвесно е колку ќе отсуствува од терените.
Аргентина в петок ќе игра против Уругвај, а на 7.септември против Венецуела. Ова се два исклучително важни натпревари за „гаучосите“, кои по шест одиграни натпревари се наоѓаат на третото место на табелата со 11 бодови.
