Новак Ѓоковиќ со победа ја започна одбраната на титулата на последниот грен слем во сезоната, УС Опен.
Српскиот тенисер на стартот од турнирот, на теренот мина 157 минути и славеше над Јержи Јанович 3-1 (6-3, 5-7, 6-2, 6-1).
Ѓоковиќ мечот го заврши со 34 винери и 18 неизнудени грешки и успеа да реализира седум од 20-те брејј топки. Неговиот противник имаше 41 директен поен и дури 59 неизнудени гречким, а реализира само две од 13-те брејк топки.
Првиот носител на УС Опен, во второто коло ќе игра против Чехот Јиржи Весели кој одигра речиси четири часа против квалификантот од Индија Сакет Минени и со 3-1.
Весели оваа сеозна славеше над Ѓоковиќ во Монте Карло.
Покрај Ѓоковиќ од фаворитите првото коло без поголеми проблеми го минаа Надал, Раониќ, Чилиќ, Монфилс, Цонга, додека турнирот заврши за 13-от фаворит Ришар Гаске кој загуби од Британецот Кајл Едмунд со 0-3.
