Кошаркарите на МЗТ Скопје Аеродром на почетокот на следниот месец, во рамки на подготовките за новата сезона, ќе одиграат две пријателски средби во Солун, а потоа ќе учствуваат на турнир во Сараево.
Играчите на македонскиот првак, на 5-ти и 6-ти септември ќе престојуваат во Солун, каде ќе одиграат контролни средби со ПАОК, кој сезонава ќе игра во новоформираната Лига на шампиони на ФИБА и турскиот прволигаш Газиантеп.
Десетина дена по овие средби, МЗТ Скопје Аеродром ќе настапи на уште еден силен меѓународениот турнир „Мирза Делибашиќ“ во Сараево (15-ти и 16-ти септември).
Покрај МЗТ на турнирот ќе учествуваат организаторот Босна Ројал, односно хрватскиот и црногорскиот шампион, Цедевита и Будуќност.