Фудбалерите на Манчестер Сити во сабота ја забележаа втората победа во второто коло од Премиер лигата, совладувајќи го на гости Стоук со убедливи 1:4.
Граѓаните поведоа во 27 минута со гол од пенал, што го реализираше Агуеро. Истиот фудбалер го зголеми водството во 36 минута, по нафрлувањето на Де Бруин.
Стоук намали во 49 минута со голот на Бојан Кркиќ од пенал, но и покрај тоа, фудбалерите на Манчестер Сити ја имаа играта под контрола и Нолито во 86 и 94 минута го постави конечниот резултат.
Следен противник на граѓаните е Вест Хем, додека Стоук ќе гостува кај Евертон.
