Фудбалерот на Галатасарај, Лукас Подолски, објави дека става крај на репрезентативната кариера. Подолски националниот тим го напушта по елиминацијата од Франција на Европското првенство.
„Сé во свое време, а моето во селекцијата на Германија заврши. Сакам повеќе време да минувам со семејството“, напишал Подолски на својот профил на Инстаграм.
Овој 31-годишен напаѓач, роден во Полска, репрезентативниот дрес го носел во изминатите 12 години и во тој период постигнал 48 голови на 129 натпревари.
Подолски беше член на репрезентацијата која во 2014 година го освои Мундијалот во Бразил.
Лукас Подолски е вториот играч, по Бастијан Швајнштајгер, кој по ЕУРО 2016 стави крај на репрезентативната кариера.
