Комплетирани се четвртфиналните двојки на ватерполо турнирот кој се игра на Олимписките игри во Рио де Жанеиро.
Ватерполо: Унгарија-Црна Гора, Србија-Шпанија
Четвртфиналните натпревари ќе се одиграат во вторник, а дербито е помеѓу Унгарија и Црна Гора (16 часот). Победникот од овој меч во полуфиналето ќе игра против подобриот од натпреварот Бразил-Хрватска (20:10 часот).
На спротивната страна од костурот се Грција и Италија (17:20 часот), односно Србија и Шпанија (21:30 часот).