На Хокенхајмринг од првото место стартуваше Нико Розберг, но катастрофално ја почна трката, што Хамилтон го искористи, кој пак стартуваше од втората позиција и веднаш премина во водство кое го задржа до крајот н трката.
На тој начин, во Хокенхајм, Хамилтон ја оствари четвртата последователна победа оваа сезона и ја зголеми предноста над тимскиот колега Розберг на 19 бода (217-198).
Розберг во 33 круг беше казнет со пет секунди поради инцидентот со Макс Верстапен, па заврши на четвртото место.
Второто место му припадна на Даниел Рикардо, во неговата 100 – та трка во кариерата, а трето место беше Верстапен.
Првите десетмина на Хокенхајмринг се: 1. Хамилтон, 2. Рикардо, 3. Верстапен, 4. Розберг, 5. Фетел, 6. Раиконен, 7. Ботас, 8. Хулкенберг, 9. Батон и 10. Перез.
