Јунајтед се договори со Аерофлот

Руската авиокомпанија Аерофлот ќе стане официјален превозник на англискиот фудбалски гигант Манчестер Јунајтед, пренесуваат англиските медиуми.

Договорот меѓу „црвените ѓаволи“ и  рускиот авиопревозник ќе биде потпишан во текот на летото, а според информациите веќе е постигнат прелиминарен договор меѓу двете страни.

Се очекува договорот да стапи на сила од сезоната 2013/14. Најинтересно е што се уште не е познат износот што Манчестер Јунајтед ќе го добие од руската авиокомпанија, поради тоа што се чува во тајност.

Инаку во моментов официјален авиопревозник на тимот од „Олд Трафорд“ е турскиот гигант Туркиш ерлајнс на кој три ипол годишниот договор му истекува на крајот од сезоната.