Ракометната Федерација на Македонија (РФМ), по преходно донесената одлука на Управниот одбор на РФМ, на репрезентативците им ја исплати премијата од 30.000 евра за пласманот на Светското Првенство во Франција 2017.
Македонија обезбеди пласман на Мундијалот во Франција откако ја совлада репрезентацијата на Чешка во квалификацискиот двомеч.
Ова е петти обезбеден пласман на македонските машки сениори на светските првенства. Македонија претходно настапуваше на СП во Египет (1999), Хрватска (2009), Шпанија (2013) и Катар (2015).
На СП Франција 2017, Македонија ќе се натпреварува во групата Б, против Шпанија, Словенија, Исланд, Тунис и Ангола.
