„Google“ во моментов подготвува надоградба на својата „Google Play“ продавница. Според податоците до кој дојде интернет страната „CNET“, „Google Play“ наскоро ќе добие нова функција – „Family Library“.
„Family Library“ е одговорот на „Google“ на конкурентскиот „Family Sharing“ план од 2014-та година, а со кој „Apple“ на своите корисници и овозможи споделување на еднаш купена апликација од „App Store“ со останатите членови од семејството.
„Google“ нешто слично претстави на крајот на минатата година – „Google Play Music family plan“, кој како што самото име кажува, функцијата овозможува на споделување само на купена музика.
Но, како што јавува „CNET“, „Google“ сега е подготвен да овозможи и споделување на купени мобилни апликации, музика, како и филмови. Еднаш купена апликација, музика или филм ќе може да се сподели со максимално 6 лица. Сопственикот на сметката преку која е извршено купувањето ќе може да одреди кои членови од семејството можат, односно кои не можат да превземат одредена апликација, музика или филм.
Истиот извор наведува дека „Google“ со новиот „Google Play“ кој е збогатен со „Family Library“ ќе го пушти малку подоцна во текот на овој месец.
