Талентираниот крилен напаѓач на Шалке, Лирој Сане, кариерата ќе ја продолжи во Манчестер Сити, тврди германски Bild.
Како што наведува германскиот магазин, кој ретко греши кога се во прашање трансферите, Сане ги договорил личните услови со Сити, а Шалке од трансферот заедно со бонусите ќе инкасира 55 милиони евра.
На трансферот на 20-годишниот фудбалер инсистирал менаџерот на „граѓаните“, Пеп Гвардиола.
„Лирој Сане е неверојатен талент и јас можам само да и честитам на Германија што има таков талент“, рекол Гаврдиола.
Сане е третото засилување на Манчестер Сити во летниот преоден рок, откако претходно во тимот пристигнаа Илкај Гундоган од Борусија Дортмунд и Нолито од Селта.
