Вест Хем нема намера во овој преоден рок да го продаде францускиот репрезентативец Димитри Паје, рекол потпретседателот на клубот Дејвид Голд.
Паје, во Вест Хем пристигна во минатиот летен преоден рок од редовите на Oлимпик Марсеј. Францускиот репрезентативец блесна во својата прва сезона во Премиерлигата, постигна 12 голови и запиша 15 асистенции.
Поради добрите игри тој го привлече вниманието на финасиски моќните клубови кави што се Челзи, Манчестер Сити и ПСЖ.
Голд за BBC рекол дека Вест Хем не би влегол во преговори за трансфер на Паје за сума помала од 50 милиони фунти.
„Паје е важен играч за нашиот тим, екипата се гради околу него. Тој не е на продажба“.
На прашањето како Вест Хем може да го задржи својот најдобар играч, Голд рекол: „Ќе направиш да се чувствува среќен“.
„Паје живее во Лондон со семејството, тој е идол на навивачите, сега клубот се сели на Олимпискиот стадион…Ние направивме сѐ што можевме. Се надеваме дека тоа ќе биде доволно“, дополнил Голд.
Димитри Паје на ЕУРО 2016 постигна три гола и заедно со Жиру беше втор стрелец на француската репрезентација која загуби во финалето од Португалија, а УЕФА го избра во најдобриот тим на првенството.
