Девет месеци по седнувањето на клупата на Ливерпул, Јирген Клоп, денес поптиша нов шестгодишен договор со клубот од „Енфилд“.
Јирген Клоп на 8-ми октомври минатата година го наследи Брендан Роџерс, ќе го предводи Ливерпул до 2022-ра година. Претходниот договор на Клоп имаше важност до 2018-та година, но челниците на клубот се задоволни од неговата работа и сметаат дека тој е иднината на Ливерпул, поради што и му бил понуден нов договор.
Клоп и Ливерпул на 2-ри јули ги започнаа подготовките за новата сезона. Во подготвителниот период „црвените“ ќе одиграат девет пријателски натпревари.
Ливерпул минатата сезона ја заврши на осмото место во Премиерлигата и нема да игра во европските купови. „Црвените“ стигнаа до финалето во Лига Европа каде загубија од Севилја (3-1).
