Белгискиот велосипедист Грег ван Авермет победи на петтата етапа на „Тур д’Франс“ и ја презеде лидерската позиција во генералниот пласман.
Ван Авермет клучната предност, во однос на останатите велосипедисти меѓу кои беше и Петер Саган кој ја носеше жолтата маичка, ја стекна на нагорнината долга 30 километри.
Ван Авермет заедно со сонародникот Томас де Грент се одвои од групата, а потоа успеа сам да мине низ целта.
Новиот носител на жолтата маичка пред петтата етапа заостануваше 18 секунди во однос на Саган, а сега има предност од пет минути и 11 секунди пред најблискиот конкурент Жилијан Аланфилип.
Шестата етапа на програмата е во четврток, се вози од Арпажон сур Сер до Монтубан и има должина од 190,5 километри.
