Марко Луковиќ (24) ги напушти редовите на македонскиот кошаркарски шампион МЗТ Скопје и се пресели во екипата на Крка, објави на Twitter неговиот менаџер Мишко Ражнатовиќ.
Крилниот играч беше еден од најдобрите играчи на МЗТ во минатата сезона, во која тимот ја одбрани шампионската титула и го избори опстанокот во регионалната АБА лига.
Во АБА лигата, Луковиќ на 25 натпревари оствари просек од 11,8 поени, 5,8 скока, 2,2 асистенции и 0,8 украдени топки.
