Италијанскиот шампион Јувентус ја одбил понудата на Манчестер Сити „тешка“ 44 милиони евра, за трансфер на деванзивецот Леонардо Бонучи, пренесе Sky Sports.
Според истиот извор, Бонучи бил еден од омилените играчи на менаџерот на Сити, Пеп Гвардиола, кој дефанзивецот го проектирал како решение за сите проблеми во одбрамбената линија на тимот.
Гвардиола од стапувањето на функцијата ги заклучи трансферите на Илкај Гундоган од Борусија Дортмунд, Нолито од Селта и украинскиот тинејџер, Александар Зинченко.
Леонардо Бонучи беше еден од најдобрите Италијанци на ЕП, во Јувентус е од 2010 година, а претходно настапувал за Интер, Тревизо и Бари.