Францускиот тренер Клод Пуел (54) во наредните три сезони ќе го предводи премиерлигашот Саутемптон, соопшти клубот на својата интернет страница. Пуел играчката кариера ја минал во Монако, а тренерската во Монако, Лион и Ница.
Клод Пуел, минатата сезона со екипата на Ница го освои четвртото место во француското првенство, со Монако ги освоил првенството и Лига купот, а со Лион во 2010 година играл во полуфиналето во Лигата на шампионите.
Францускиот тренер на функцијата во Саутемптон ќе го наследи Роналд Куман кој се пресели во Евертон.