Напаѓачот на Атлетико Мадрид, Фернандо Торес, ќе остане во клубот и во наредната сезона, потврдил претседателот на клубот Енрике Сересо.
Торес изминатите 18 месеци за Атлетико настапуваше како позајмен играч од Милан, а договорот со тимот од Милано му истекува на 1. јули кога ќе стане слободен играч и ќе може без обештетување да потпише нов договор.
„Разговорите со Торес се во тек, остана да дефинираме уште некои ситни детали. Мислам дека нема да има никави проблеми и дека сé ќе заврши наскоро“, рекол Сересо за Marca.
Фернандо Торес кариерата ја започна во Атлетико, а во кариерата бил дел и од Ливерпул односно Челзи.