Фудбалкста репрезентација на Италија, во осминафиналето го елиминира европскиот првак Шпанија и избори четвртфинален дуел со Германија. Италија на „Стад де Франс“, во Париз, победи со 2-0 со головите на Џорџо Кјелини и Грацијано Пеле.
Италија со тактички беспрекорна игра успеа да им се одмазди на Шпанците за поразот во финалето на Европското првенство во 2012 година.
Избраниците на Антонио Конте доминираа во првото полувреме, во првиот половина час идеални шанси за постигнување на гол не искористија Пеле и Пароло.
Во 33.минута, Едер шутираше од слободен удар од 22 метри, топката кусо ја одби Де Хеа, на која налета Кјелини и погоди за 1-0.
Во финишот на првиот дел Џакерини сам си создаде шанса упати удар, но Де Хеа повторно го спаси својот тим
Шпанците првата закана ја имаа на стартот од вториот дел, но Мората лошо биеше со глава.
Едер, во 55.минута, можеше да го реши натпреварот, Џакерини го спои напаѓачот на Интер со голот, но Де Хеа уште еднаш брилијантно одбрани.
До 70.минута Италија успеа во намерата да наметне бавно темпо и со двоен одбранбен блок лесно ги одбиваше шпанските напади.
Во последните десет минути, Буфон ги одбрани ударите од далечина на Пике и Иниеста, а во последната минута Пике, по единствената грешка на италијанската одбрана, беше сам пред Буфон, но капитенот на Италија успеа да одбрани.
Точка на натпреварот стави Пеле во 92.минута. Напаѓачот на Саутемптон со волеј заврши една школска контра на Италија.
Италија во четвртфиналето ќе игра против Германија, натпреварот во Бордо на програмата е на 2 јули.
