Долгогодишниот капитен на фудбалската репрезентација на Хрватска, Даријо Срна, по несреќната елиминација на неговата репрезентација во осминафиналето на Европското првенство, реши да стави крај на кариерата во националниот тим.
Срна, во дресот на репрезентацијата дебитирал на 20.декември 2002 година, а мечот со Португалија му беше 134-от за Хрватска. Десниот бек е четвртиот најдобар стрелец во историјата на Хрватска со 22 постигнати гола, пред него се Шукер, Едуардо и Манџукиќ.
Хрватска, во саботата, го заврши настапот на ЕУРО 2016, откако загуби од Португалија со 1-0.
