Новата натпреварувачка сезона во Регионалната кошаркарска лига (АБА) треба да започне на 1-ви октомври, се наведува на интернет страницата на регионалното натпреварување.
„По анализата на ситуацијата и консултацијата со клубовите, претседателството на АБА лигата едногласно заклучи дека АБА лигата придонесува за зголемување на квалитетот на кошарката во регионот и дека таа претставува приоритет за сите клубови“, пишува меѓу другото на интернат страницата на АБА лигата.
Наредното Собрание на АБА лигата ќе се одржи на 11. јули во Подгорица, кога ќе бидат извршени промени во претседателството и ќе биде усвоен натпреварувачкиот календар за сезоната 2016/2017.
Македонскиот шампион МЗТ и оваа година ќе се натпреварува во регионалното натпреварување.
