Германскиот портал „transfermark“, во пресрет на Европското првенство во Франција, објави дека фудбалерите кои ќе настапат на 15-то континетално првенство имаат вредност од пет милијарди евра. Тимски на врвот е Германија, а поединечно Кристијано Роналдо.
Според „transfermark“ најскап тим имаат Германците, вредноста на актуелните светски шампиони изнесува 562 милиони евра. Следуваат Шпанија (557,5), Франција (487), Англија (477) и Белгија (460,9).
Поединечно, Кристијано Роналдо чија вредност се проценува на 110 милиони евра е најскапиот играч кој ќе настапи на шампионатот. Зад Португалецот е неговиот соиграч од Реал, Герет Бејл (80), а потоа следуваат двајца играчи на Баерн Минхен, Томас Милер (75) и Роберт Левандовски (75), односно Еден Азар, Пол Погба и Антоан Гризман чија пазарна вредност е проценета на 70 милиони евра.
Вредност на репрезентациите:
Германија 562 милиони евра, Шпанија (557,5), Франција (487), Англија (477), Белгија (460,9), Португалија (321,7), Хрватска (272,2), Италија (272), Турција (186,6), Полска (175), Швајцарија (174,8), Велс (170), Русија (130), Украина (128,6), Австрија (128,2), Ирска (89,3), Шведска (86,6), Словачка (84), Чешка (64,4), Романија (54), Албанија (46,1), Исланд (41,1), Северна Ирска (35), Унгарија (27,3).
Топ 20 фудбалери:
Кристијано Роналдо (Португалија, 110 милиони евра), Герет Бејл (Велс, 80), Томас Милер (Германија, 75), Роберт Левандовски (Полска, 75), Еден Азар (Белгија, 70), Пол Погба (Франција, 70), Антоан Гризман (Франција, 70), Кевин Де Брујне (Белгија, 60), Лука Модриќ (Хрватска, 50), Тони Крос (Германија, 50), Месут Езил (Германија, 50), Серхио Бускетс (Шпанија, 50), Коке (Шпанија, 50), Сеск Фрабрегас (Шпанија, 45), Мануел Нојер (Германија, 45), Иван Ракитиќ (Хрватска, 45), Давид Алаба (Австрија, 45), Рахим Стерлинг (Англија, 45), Серхио Рамос (Шпанија, 40), Пике (Шпанија, 40), Џером Боатенг (Германија, 40), Хари Кејн (Англија, 40).
