Меѓународната боксерска федерација (АИБА), на својот конгрес кој се одржува во Лозана изврши промена на Статутот со што на професионалните боксери им овозможи да настапуваат на Олимписките игри. Професионалците ќе можат да се натпреваруваат веќе од ОИ во Рио де Жанеиро (5. до 21. август).
Претседателот на АИБА, Чинг Куо-Ву, рекол дека речиси 95 отсто од делегатите на Конгресот во Лозана ги поддржале измените во Статутот.
Професионалните боксери, односно оние кои ќе имаат желба да настапат на ОИ во Рио де Жанеиро, ќе имаат само една шанса низ квалификациите да изборат учество на најголемата спортска смотра, а тоа е квалификацискиот турнир кој од 16. до 25. јуни ќе се одржи во Баку
