Уште една екипа од германската Бундес лига ќе мора да плати казна поради своите непослушни симпатизери. Откако пред извесно време Баерн Минхен мораше да плати 15.000 евра поради непристојното однесување на своите навивачи и употребата на пиротехнички средства, сега на ред дојде и Ајнтрахт од Франкфурт.
Германската фудбалска федерација одлучи да го казни Ајнтрахт поради употребата на пиротехника од страна на навивачите за време на две средби од есенскиот дел од првенството. Имено станува збор за дуелот Нирберг кој се одигра во септември и на натпреварот со Фортуна Дизелдорф.
Па така благајната на тимот од Франкфурт ќе биде олеснета за дури 100.000 евра што е многу повеќе од казната што ја доби новиот шампион на Германија, Баерн Минхен.