Рафаел Варан нема да биде дел од француската репрезентација која ќе се обиде да ја освои титулата на ЕУРО 2016.
Рафаел Варан, на тренингот на Реал минатата недела го повредил бутниот мускул, поради што „кралскиот клуб“ веднаш објави дека тој нема да биде во тимот за финалето во Лигата на шампионите, а во понеделникот и од Фудбалската федерација на Франција потврдија дека дефанзивецот, поради повредата, ќе го пропушти и Европското првенство.
Младиот дефанзивец, заедно со Кошчелни, беше првиот избор на францускиот селектор во последната одбрамбена линија. Местото на Варан во репрезентацијата ќе го пополни дефанзивецот на Севилја, Адил Рами.
Европското првенство во Франција ќе се одржува од 10-ти јуни до 10-ти јули.