Легендарниот романски тренер Мирчеа Луческу од наредната сезона ќе го предводи Зенит од Санкт Петербург. Луческу изминатите 12 години беше тренер на Шахтјор од Донецк со кого освои 22 трофеи, меѓу кои и Купот на УЕФА.
Мирчеа Луческу, како што соопшти неговиот менаџер, имал девет понуди од сите делови на Европа, но на крајот решил да ја прифати понудата на Зенит, чија клупа ја напушти Португалецот Андре Вилас-Боаш.
Искусниот романски тренер во Зенит ќе заработува пет милиони евра годишно.
Зенит новиот тренер ќе го претстави на 3. јуни.
