Македонскиот репрезентативец, Илија Несторовски, во својот последен натпревар во хрватското првенство, постигна три гола во триумфот на Интер Запрешиќ над Осијек 4:2.
Несторовски сезоната ја заврши со 25 постигнати гола и е убедливо прв на листата на најдобри стрелци.
Првиот гол Македонецот го постигна од пенал, вториот по грешката на голманот на Осијек, а третиот повторно од пенал кој самиот го избори.
Илија Несторовски од наредната сезона ќе игра во Палермо.
