Ракометарката на Вардар, Јованка Радичевиќ, е избрана во идеалниот тим на сезоната во Лигата на шампионите. ЕХФ, т.н. „Ол Стар тим“ го објави пред почетокот на завршниот турнир, кој во сабота и недела ќе се одржи во Будимпешта.
Јованка Радичевиќ, според гласовите на фановите, сезонава е најдоброто десно крило во Лигата на шампионките. Радичевиќ во тековната сезона е трет стрелец на ЖРК Вардар со 41 гол, зад Андреа Пенезиќ (71) и Андреа Лекиќ (64).
Радичевиќ е една од трите ракометарки кои се избрани во „Ол Стар тимот“, а не се ракометарки на унгарски Ѓер.
Идеалниот тим на сезоната:
Голман: Кари Алвик Гримсбо (Ѓер)
Лево крило: Анико Ковачич (Ѓер)
Лев бек: Кристина Неагу (Будуќност)
Среден бек: Нике Грот (Ѓер)
Десен бек: Нора Мерк (Ларвик)
Десно крило: Јованка Радичевиќ (ЖРК Вардар)
Пикер: Хајди Локе (Ѓер)
Најдобар дефанзивец: Едуарда Аморим (Ѓер)
Најдобар млад играч: Луца Секерцеш (ФТЦ)
Тренер: Мартин Амброс (Ѓер).
