Граѓаните на Србија од денеска конечно ќе можат да отворат налози на „PayPal“, но засега само ќе можат да плаќаат, но не и да примаат пари.
Министерот за внатрешна и надворешна трговија Расим Љајиќ потврди дека Србија од денеска се наоѓа на листата на земји во кои е достапен овој интернет сервис за плаќање.
„PayPal“ ќе им овозможи на граѓаните на оваа земја да отворат налог на оваа интернет страна и да купуваат на глобалниот пазар.
Тоа значи дека сега ќе може да се купи роба од целиот свет од модни производи во Италија и Франција, па се до електроника во Америка и Азија.
Исто така ќе биде овозможен и пристап кон дигиталните содржини, односно музика,филмови и разни видови на игри.
Нормално оваа услуга ќе биде пуштена во неколку фази, за почеток ќе може само да се купува и да се праќаат пари. Следната фаза која е многу значајна за многумина е добивањето на пари од странство, а таа се очекува да биде пуштена во скоро време.
Останува времето да покаже кога Македонија ќе се најде на листата на земји кои можат да ги користат услугите на „PayPal“.
