Фудбалерите на Малага го совладаа Леванте со 3:1, во последниот натпревар од 36.коло во Примера и го испратија тимот од предградието на Валенсија во втората лига.
Хрватскиот интернационалец Дује Чоп му пресуди на Леванте со два гола и една асистенција. Чоп го постигна првиот гол на мечот по половина час игра, а потоа израмни Моралес во финишот на првото полувреме.
Чоп во претпоследната минута го постигна својот втор гол, а во 93-та му асистираше на Кастро кој го постави конечниот резултат 3:1.
Леванте има 29 бодови и следната сезона ќе настапува во Сегунда, додека три тима до крајот ќе се борат да ја избегнат судбината на Леванте, тоа се Хетафе, Спортинг Хихон и Рајо Ваљекано.
