Најдобриот фудбалер на Реал, Кристијано Роналдо, ги започнал преговорите со клубот околу новиот договор, тврди весникот АС.
Актуелниот договор на Роналдо истекува во 2018 година, а Реал на Португалецот му понудил продолжување на соработката до 2020 година. Роналдо бил подготвен да го стави својот потпис на договор и да остане во Мадрид до својата 35 година.
Реал, стапил во акција со цел да го задржи својот најдобар играч и стрелец, откако се појавија шпекулациите дека првиот човек на ПСЖ, Насер Ал-Калифи, нема да штеди за да го оствари трансферот на Португалецот во летниот преоден рок.
Кристијано Роналдо е член на Реал од 2009 година, тој за „кралскиот клуб“ има постигнато 360 голови на 343 одиграни натпревари.