Најдобрите македонски ракометари ги дознаа имињата на противниците со кои ќе се натпреваруваат во квалификациите за пласман на Европското првенство, чиj домаќин во 2018-та година ќе биде Хрватска.
Ждрепката која денеска се одржа во Дубровник ја смести Македонија во Група 4, заедно со Исланд, Чешка и Украина.
Квалификацискиот циклус ќе започне во октомври, се игра по принцип секој со секого (дома-гости), а пласман на Европското првенство ќе изборат првите две селекции на конечната табела.
Ракометни квалификации за ЕП 2018:
Група 1: Данска, Унгарија, Холандија, Латвија
Група 2: Полска, Белорусија, Србија, Романија
Група 3: Шпанија Австрија, Босна и Херцеговина, Финска
Група 4: Исланд, Македонија, Чешка, Украина
Група 5: Германија, Словенија, Португалија, Швајцарија
Група 6: Шведска, Русија, Црна Гора, Словачка
Група 7: Франција, Норвешка, Литванија, Белгија.
