Фудбалерите на Манчестер Јунајтед последни изборија место во полуфиналето, во ФА купот, откако во повторениот меч славеа над Вест Хем со 2:1. Првиот меч кој се одигра пред еден месец во Манчестер заврши без победник 1:1.
На „Болејн Граунд“, стрелци за Јунајтед беа Рашфорд во 54-та и Фелаини во 67-та минута. Единствениот гол за домаќинот го постигна Томкинс на 11 минути до крајот на мечот.
Мечот во Лондон го обележа и враќањето на Руни во тимот на Јунајтед, тој два месеци отсуствуваше поради повреда на коленото.
Јунајтед во полуфиналето на 23.април ќе игра против Евертон, додека ден подоцна ќе се сретнат Вотфорд и Кристал Палас. Полуфинелните натпревари ќе се играат на „Вембли“ во Лондон.