Амадин Лејно, во саботата, блескаше на голот на Вардар, во триумфот над Ларвик 34:20, со што си обезбеди место меѓу Трите ѕвезди на првите четврфинални натпревари во Лигата на шампионките. Покрај Лејно, меѓу Трите ѕвезди се голамнката на Букурешт, Јелена Грубишиќ и ракометарката на Ѓер Корнелија Грот.
Лејно како и целиот тим на Вардар го одигра најдобриот меч во ерата на Сергеј Самсоненко. Фрнцуската репрезентативка мечот го заврши со 19 интервенции, а со одбраните на почетокот на мечот дополнително им ја крена самодовербата на своите колешки, кои до крајот го прегазија Ларвик.
Една од одбраните на Лејно е прогласена од страна на ЕХФ за најдобра на првите четвртфинални мечви во ЛШ.
