Напаѓачот на Борусија Дортмунд, Пјер-Емерик Обамејанг, тврди дека нема да го напушти клубот во летниот преоден рок, иако за неговите услуги интерес покаѓуваат Реал Мадрид и неколку тимови од Премиерлигата.
Германските медиуми, изминатите недели, пишуваа дека за репрезентативецот на Габон, Реал е подготвен да плати 90 милиони евра и дека трансферот е извесен, бидејќи Борусија не би можела да одбие таква понуда.
„Дортмунд е град кој е ‘луд’ по фудбалот, а јас и семејстовотo тука се чувствуваме како дома. Никогаш не сум криел дека еден ден би сакал да играм во Реал, но во овој момент јас се чувствувам одлично во Борусија. Сепак, тоа не значи дека лесно ќе се согласам на потпишување нов договор“, рекол Обамејанг.
Напаѓачот на Борусија оваа сезона игра во неверојатна форма, на 40 натпревари во сите натпреварувања има постигнато 35 голови. Актуелниот договор со Борусија му истекува во 2020 година.
Овој 26-годишен фудбалер покрај за Борусија, има настапувано и за Милан, Сент Етјен, Дижон, Лил и Монако
