Бесрат Абдурахими кариерата ќе ја продолжи во Казахстан, откако потпиша договор со актуелниот шампион на оваа земја Астана.
Абдурахими кариерата ја започна во Загреб, има играно за Хапоел Тел Авив, а од 2014 година беше дел од тимот на Локерен, каде во изминатите шест месеци воопшто не настапуваше, поради што и го загуби репрезентативниот статус.
Крилниот напаѓач за Македонија од дебито против Камерун (26. мај 2014) има одиграно 12 натпревари и постигнато еден гол, против Луксембург во квалификациите за победа 3:2.
Астана две години е шампион на Казахстан, а во актуалната сезона дебитираше и во фазата по групи во Лигата на шампионите. Во конкуренција на Атлетико Мадрид, Бенфика и Галатасарај усеа да освои три бода.
Астана наредната сезона во Лигата на шампионите ќе ја започне во втората квалификациска рунда.
