Крилниот центар на кошаркарскиот клуб Фенербахче, Јан Весели, најмалку шест месеци ќе отсуствува од терените поради повредата на Ахиловата тетива.
Чешкиот репрезентативец се повредил на натпреварот со Пинар Каршијака во домашното првенство. Весели, сезонава е еден од најдобрите играчи на својата позиција во Европа, тој во просек бележи по 12 поени и седум скокови во Евролигата.
Фенербахче веќе обезбеди пласман во четвртфиналето во Евролигата, на три кола до крајот на Топ 16 фазата има скор од 10 победи и еден пораз.
Поради повредата Весели ќе ги пропушти четвртфиналните натпревари, кои ќе се играат во периодот од 12. до 26.април.
