Кошаркарите на Црвена ѕвезда, по голема борба, го добија првиот меч од полуфинална серија со Цедевите во АБА лигата. Бранителот на трофејот славеше по дополнителните пет минути со 97:88, откако во регуларниот дел резултатот беше 82:82.
Драматичен и квалитетен меч одиграа Ѕвезда и Цедевита, ниту еден тим во текот на регуларниот дел немаше поголема предност од осум поени. Јовиќ погоди двојка на девет секунди до крајот за 82:82, а потоа Пулен не успеа да погоди тројка.
Во продолжението проработе шутот за три поени кај домаќинот, погодија четири тројки за пет минути и го решија победникот.
Квинси Милер го предводеше победникот со 24 поени и осум скокови, Цирбес имаше учинок од 19 поени и 11 скокови, а Кинси реализираше 16 поени.
Најдобри кај Цедевита беа Џејкоб Пулен со 24 поени и Мири Билан со 20 кошеви и седум скокови.
Првата шанса за пласман во финалето Црвена ѕвезда ќе ја има во вторник на теренот на Цедевита.