Првиот човек на УЛЕБ Евролигата, Џорди Бартомеу, кој изминативе денови ги посети Загреб и Белград, изјавил дека на АБА лигата и е понудено едно место во новата Евролига и три места во Еврокупот.
„Покрај 11-те клубови кои се покажаа како најстабилни и најдобри (тие добија десетгодишни договори), препознавме дека АБА лигата е едно од најсилните првенства во Европа. АБА лигата, заедно со ВТБ лигата и првенствата на Германија и Шпанија заслужува едно загарантирано место во Евролигата и најмалку три места во Еврокупот“, рекол Бартомеу во Белград, каде бил гостин на КК Партизан, а потоа го следел мечот Црвена ѕвезда-Панатинаикос.
