Два дена откако му врачи отказ на тренерот Армин Ве, раководството на бундеслигашот Ајнтрахт Франкфурт за нов шеф на стручниот штаб го назначи Нико Ковач. Поранешниот хрватски селектор, заедно со својот брат Роберт, потпишале договор до јуни 2017 година.
Примарна цел на Нико Ковач и неговиот брат ќе биде Ајнтрахт да избори опстанок во Бундеслигата. Во моментов тимот од Франкфурт е оддалечен само два бода од опасната зона, и со 24 бодови се наоѓа на 16-то место на табелата.
Ајнтрахт се наоѓа во голема криза бидејќи нема победа на последните седум натпревари. Последен пат Ајнтрахт победил на 21.јануари, против Волфсбург 3:2.
„Ковач под итно мора да го мобилизира тимот да опстанеме во Бундеслигата. Уверени сме дека ќе ја оствариме целта“, рекол претседателот на клубот Херберт Брухаген.
Ковач дебито ќе го има на 12.март, кога Ајнтрахт ќе и гостува на Борусија во Менхенгладбах.
