Во неделата заврши фазата по групи во ракометната Лига на шампиони. Македонскиот првак Вардар, во Б групата, оствари девет победи и пет порази и го освои третото место кое во осминафиналето за противник му го донесе полскиот тим Висла.
Во осминафиналето, слободни ќе бидат ПСЖ и Барселона, тимови кои ги освоија првите места во своите групи, додека тимовите кои се пласираа од второто до шестото место, како и победниците од мечевите во кои играа најдобрите два тима од ‘послабите’ групи Ц и Д.
Вардар првиот осминафинален меч ќе го игра на гостински терен, а ќе биде домаќин во реваншот. Доколку Вардар мине во четвртфиналето, проектиран противник за пласман на завршниот турнир веојатно ќе му биде Веспрем, кој е голем фаворит во осминафиналето против Мотор Запорожје.
Првите осминафинални натпревари ќе се играат во периодот од 16. до 20.март, а реваншите во периодот од 23. до 27.март.
Осминафинални двојки:
Мотор Запорожје-Веспрем
Висла-Вардар
Мешков Брест-Кјелце
Монпелје-Фленсбург
ПИК Сегед-Кил
ППД Загреб-Рајн Некар
Двојки за четвртфинале:
Висла/Вардар-Мотор/Веспрем
ПИК Сегед/Кил-Барселона
ППДЗагреб/Рајн Некар-ПСЖ
Монпелје/Фленсбург-Мешков Брест/Кјелце.
