Фудбалските сојузи на Данска, Финска, Норвешка и Шведска во петокот објавија дека сакаат заедничка кандидатура за домаќинство на Европското фудбалско првенство во 2024 или 2028 година.
„Ние како скандинавски држави имаме низа заеднички вредности и интереси, а меѓу нив секако е фудбалот. Изнесовме идеја заеднички да го организираме ЕУРО, а идејата дојде спонтано, но желбата постои и ќе настојуваме да истраеме“, рече претседателот на Данскиот фудбалски сојуз Каспер Молер.
Шведска беше домаќин на Европското првенство во 1992 година на кое европопски првак стана Данска, која ќе биде и еден од 13-те држави домаќини на првенството во 2020 година.
