Весникот „Спортски журнал“ пренесе дека раководството на Светската кошаркарска федерација (ФИБА) било разочарано од одлуката клубовите од АБА лигата да се приклонат кон Евролигата.
Поради оваа одлука ФИБА размислувала на Кошаркарскиот сојуз на Србија да и ја одземе организацијата на квалификацискиот турнир за пласман на Олимписките игри во Рио де Жанеиро.
Според весникот, казната за Србија треба да биде предупредување за другите национални сојузи.
Квалификациските турнири за пласман на ОИ ќе се играат од 5-ти до 10-ти јули.
