Американката Линдзи Вон, објави дека поради повреда на коленото, повеќе нема да се натпреварува оваа сезона во Светскиот куп. Вон со повредата се здоби, во саботата на трката во Андора, а дополнителните прегледи покажале дека се работи за фрактура на коска во коленото.
„Моја е одлуката да ја завршам сезоната. Ова е една од најтешките одлуки во мојата кариера, бидејќи водам во генералниот пласман во Светскиот куп“, напишала 31-годишната Вон на својот профил на Facebook.
Вон, иако сезоната се уште не е завршена, веќе освои еден трофеј, за вкупна победа во спуст, што е нејзин 20-ти кристален глобус во Светскиот куп.
Американката има 76 победи во кариерата, најмногу во женска конкуренција, а 10 победи ја делат од израмнување на апсолутниот рекорд, кој е во сопственост на Швеѓанецот Ингемарк Стенмар.
По откажувањето на Вон најмногу шанси за вкупен триумф во Светскиот куп има Швајцарката Лара Гут.
