Поранешниот претседател на минхенски Баерн, Ули Хенес, излезе од затвор каде мина 21 месец поради затајување на данок, пренесе германската новинска агенција DPA.
Хенес издржа половина од затворската казна, откако во 2014 година беше осуден на три ипол години, бидејќи избегнал да плати 28,5 милиони евра данок.
Хенес е легенда на Баерн, поранешен фудбалер и спортски директор на клубот, а на претседателската функција мина пет години пред да биде уапсен.
Судот на почетокот на 2015 година, додека му траеше затворската казна, му овозможи да работи во академијата на Баерн, а плановите поврзани со клубот најави дека ќе ги соопшти на 1-ви јули.
