Македонските карате репрезентативци продолжија со одличниот настап на Балканското првенство, кое се одржува во Истанбул. По двата медала, кои во саботата го освоија Енес Смаилагиќ (злато до 75 кг) и Адил Мехмед (сребро до 67 кг), во неделата балкански шампиони стaнаа Емил Павлов и женскиот ката тим.
Емил Павлов, го освои златниот медал во категоријата до 60 килограми. На патот до златото Павлов ги победи Турците Тасоглу и Самдан, Србинот Ѓаковиќ и во финалето Турчинот Ѓулер.
Ката тимот, во состав Маријана и Мишела Домоски и Пуликсенија Јовановска, во финалето убедливо со 5-0 го совладаа тимот на Србија.
Успешниот ден за македонското карате го заокружија машкиот тим кој освои сребро во борби, односно машкиот ката тим кој се закити со бронзен медал.
