Германскиот телекомуникациски гигант Deutsche Telekom објави дека во минатата година забележа двоцифрен раст на добивката благодарение на силниот раст на американската подружница на мобилна телефонија и зголемениот број на клиенти на матичниот германски пазар.
Нето добивката на DT во минатата година порасна за 11 отсто, на 3,3 милијарди евра.
Прилагодената добивка пред камати, даноци, депрецијација и амортизација (EBITDA) зголемена е за 13,3 отсто, на 19,9 милијарди евра. Приходите скокнале за 10,5 отсто, на 69,2 милијарди евра.
„Deutsche Telekom во 2015 година беше успешен од двете страни на Атлантикот“, истакна извршниот директор Тим Хетгес.
