Претставници на Баерн Минхен ќе допатуваат во Рим каде во следните неколку дена ќе разговараат со првите луѓе на Рома во врска со трансферот на плејмејкерот на „волчицата“, Миралем Пјаниќ.
Според италијанските медиуми, управата на Баерн е одушевена од игрите на босанскиот интернационалец, а такво мислење има и новиот тренер Пеп Гвардиола кој се согласил да се обидат да преговараат за неговиот потпис.
Пјаниќ оваа сезона има 19 настапи за Рома и има постигнато три гола. Цената на овој 23-годишен фудбалер е околу 15 милиони евра.